Эрх чөлөө хүн бүрт заяамал учир бид зөвхөн өөрийн хувь заяагаа өөрөө л мэдэх ёстой гэж итгэдэг, энэ үзэл санаагаа түгээх, хамтдаа хөгжих зорилготой оюутан, залуус.

New Year Party 2010 !!!

12/22/2009, Posted by Хөгжицгөөе клуб, One Comment

Хөгжицгөөе клуб 2010 оныг угтах шинэ жилийн party-гаа 12 сарын 29-нд Xanadu Art Gallery-д хийхээр боллоо.

Уламжлалаараа босоо cocktail party байх болно ;)
Bold
Dress code: гоёлын.

Тах: 8800 төг - Үүнд cocktail, ундаа, ус, баярын бялуу, зууш зэрэг багтана.

Party маань ямар болдгийг урьд жилүүдэд орж байсан гишүүд маань мэдэж байгаа ;) Ямар ч байсан гиюүрэх завдал өгөхгүй сонирхолтой халуухан үдэшлэг байна гэж итгэж байна.

Клубын хуучин, хуучивтар, шинэ, шив шинэхэн гишүүдийг 99636187 утсанд 12 сарын 26-ны дотор бүртгэнэ. Хүний тоод тодорхой хязгаар бий шүү. Тиймээс яаравчлаарай!

Õîëáîî áàðèõ óòàñ: 99636187

"Эрх чөлөөнд суурилсан хөгжлийн тухай яриа" №3

12/22/2009, Posted by Хөгжицгөөе клуб, No Comment















Өчигдөр бид Бат-Үүл гишүүнтэй уулзаж халуун яриа өрнүүллээ.
Тэрээр "20 жилийн Ардчилал. Өнгөрсөн ба ирээдүй" сэдвийн дор Ардчилсан хувьсгалын түүх, Монгол улсын ирээдүй болоод Эрх чөлөө, Ардчиллын үнэт зүйлсийн талаар бодлоо хуваалцсан. Бүгд эсэхийг мэдэхгүй ч олон хүмүүс сэтгэл хангалуун ярилцлагын танхимаас гарсан шүү :)

Зураг: Хөгжицгөөе клубын зарим гишүүд болон ярилцлагын идэвхтэй оролцогч зарим залуус :)

Б.Батчулуун багштай уулзлаа.

12/15/2009, Posted by Хөгжицгөөе клуб, 2 Comments


Өчигдрийн яриаг маань өрнүүлсэн хүн бол олон либертари зохиолыг орчуулсан, монголд либертари үзлийг танин мэдэхэд хувь нэмрээ оруулсан анхдагчдын нэг философийн ухааны доктор Батчулуун багш байлаа. Тэрээр либертари зарчмыг баримтлан амьдрах хэв маягийн талаар бидэнтэй илэн далангүй ярилцсан. Ярианы төгсгөлд либертари үзэл зарчмыг илүү ойлгох, өөртөө төлөвшүүлэхийг хүсвэл ном зохиолыг нь л унш гэж зөвлөв. Өөрийн үнэт цагаа бидэнд зориулсан танд баярлалаа. Энэ үзлийг сонирхож байгаа залуусдаа Бергландын "Нэгэн хичээлд багтаасан либертари үзэл", Кэн Скүүландын "Жонатан Гулибелийн аялал", Нобелийн шагналт Хаекийн "Боолчлогдох зам", Айн Рэндийн "Эх сурвалж", Мизесийн "Либерализм", Найжель Ашфордын "Чөлөөт нийгмийн үндсэн зарчмууд" зэрэг "Монголын Либертари Сан"-аас эрхлэн гаргасан номнуудыг нухацтай шимтэн уншихийг хүсье ;)



"Эрх чөлөөнд суурилсан хөгжлийн тухай яриа" №2

12/13/2009, Posted by Хөгжицгөөе клуб, No Comment


Философийн ухааны доктор Б. Батчулуун багш "Либертарианизм-Эрх чөлөөний үзэл санаа" сэдвээр залуустай уулзаж ярилцана.

Бид "Монголын Либертари Сан"-аас эрхлэн гаргасан "Жонатан Гулибэлийн аялал ", "Нэгэн хичээлд багтаасан Либертари үзэл", Айн Рэндийн алдарт "Эх сурвалж" романы анхны хэвлэлт зэргийг Б.Батчулуун багшийн орчуулгаар хүлээн авч байсан билээ.

Хэзээ: 12 сарын 15-ны мягмар гарагт 17 цагаас

Хаана: Хууль зүйн үндэсний хүрээлэнгийн 301 тоот танхимд

Лекц хэн бүхэнд нээлттэй :)

"Эрх чөлөөнд суурилсан хөгжлийн тухай яриа" эхэллээ

12/08/2009, Posted by anurius, 3 Comments



"Хөгжицгөөе" клуб байгуулагдсан нь 2006 оны 9 сарын 29-нд анх зохион байгуулагдсан "Эрх чөлөөнд суурилсан хөгжлийн тухай яриа"-аас үүдэлтэй билээ. Баасан гараг бүрийн 5 цагаас уламжлал болон зохион байгуулагдаж эхэлсэн лекц-ярилцлагын үзэл санаагаараа нэгдсэн оролцогч залуус хамтдаа хөгжих зорилгоор клуб байгуулсан
.
Ингээд бүтэн жил хагас тасралтгүй үргэлжилсэн яриа маань хэсэг завсарласны эцэст өчигдөр буюу 2009 оны 12 сарын 08-нд УИХ-ын гишүүн З.Энхболдтой уулзсанаар эхэллээ. Клубын гишүүн Баагийгийн хэлснээр "мэдээллийн шок"-нд оруулдаг уулзалт маань Энхболд гишүүний Монгол улсын уул уурхайн асуудлаарх халуун сэдвээр эхэлж хүний хөгжлийн талаарх яриагаар өндөрлөлөө. Бидний урилгыг хүлээн авч ирсэн Энхболд гишүүн болон ухаалаг асуулт тавьж, үзэл бодлоо хуваалцсан залуустааа баярлалаа.

Эрх чөлөөнд суурилсан хөгжлийн тухай яриа

12/07/2009, Posted by uiten, No Comment

Сайн байцгаана уу? Сэтгэгдэл үлдээсэн хүмүүст баярлалаа. Клубаас зохион байгуулдаг уламжлалт лекц болох "Эрх чөлөөнд суурилсан хөгжлийн тухай цуврал яриа" 12 сарын 08-аас эхлэн явагдах гэж байгааг дуулгахад таатай байна. Эхний ярилцлагад УИХ-ын гишүүн З.Энхболд залуустай "Уул уурхайн чиг хандлага"ын талаар ярилцахаар уригдаад байна.

• Хаана : Хууль зүйн үндэсний төвийн 304 тоот танхим

• Хэзээ : 12 сарын 08ны 17:00 цагаас

Та бүхэн хүрэлцэн ирээрэй.

Жич:

Хажуугийн хэсэгт хэлэх үгээ үлдээсэн "нэвтрэгч"-д бас баярлалаа. Клубын үйл ажиллагаа явагдаж л байгаа. Гишүүд клубаас гадна ажил, төрөлтэй болохоор тэр бүр ажил зохиогоод байж чадахгүй дутагдал байгааг хүлээн зөвшөөрнөө -Р Харин уулзалт зохиох бүртээ өөрсөддөө байгаа утас руу мсж бичих зэргээр мэдээлэл боломжийн хирээр тараадаг. Зарим нэг хүн дугаараа сольсон тохиолдолд өөрсдөө л хэлэхгүй бол мэдэх боломжгүй. Энэ мэт шалтгаанаар мэдээлэл хүрээгүй байх. Тэрнээс санаатай хэн нэгэнд мэдээлээгүй зүйл байхгүй. Тиймээс гишүүд мэйл хаяг, утасны дугаараа үлдээнэ үү?